അദ്ദിക്ർ

ഐഹിക ജീവിതത്തിന്‍റെ ഉദാഹരണം നീ അവര്‍ക്ക് വിവരിച്ചുകൊടുക്കുക, നാം ആകാശത്തുനിന്ന് മഴ ഇറക്കുന്നു, അതുമുഖേന ഭൂമിയില്‍ ചെടികള്‍ തഴച്ചുവളരുന്നു, പി ന്നെ അതിനെ കാറ്റില്‍ പറക്കുന്ന കച്ചിത്തുരുമ്പാക്കി മാറ്റുന്നു, അല്ലാഹു എല്ലാകാര്യത്തി നും കഴിവുള്ളവന്‍ തന്നെയാണ് എന്ന് 18: 45 ലും; നിശ്ചയം അല്ലാഹു ആകാശത്തുനിന്ന് മഴ വര്‍ഷിപ്പിക്കുന്നത് നീ കാണുന്നില്ലേ, പിന്നെ ഭൂമിയില്‍ ആ മഴവെള്ളം തോടുകളിലും ചാലുകളിലുമായി ഒഴുക്കുന്നു, പിന്നെ അതുമുഖേന അവന്‍ വിവിധ നിറത്തിലുള്ള സസ്യങ്ങളെ മുളപ്പിക്കുന്നു, പിന്നെ അത് ഉണങ്ങുന്നു, അപ്പോള്‍ അതിനെ നിനക്ക് മഞ്ഞളിച്ച തായി കാണാം, പിന്നെ അതിനെ അവന്‍ വൈക്കോലാക്കി മാറ്റുന്നു, നിശ്ചയം അതില്‍ ബുദ്ധിമാന്‍മാര്‍ക്ക് ഒരു ഓര്‍മപ്പെടുത്തല്‍ തന്നെയുണ്ട് എന്ന് 39: 21 ലും പറഞ്ഞിട്ടുണ്ട്. ഇ തുപോലെത്തന്നെയാണ് മനുഷ്യരുടെയും ഇഹലോകത്തുള്ള ജീവിതമെന്നും എന്നാല്‍ ബുദ്ധിശക്തി നല്‍കപ്പെട്ട അവര്‍ അത് ഉപയോഗപ്പെടുത്തി ജീവിതലക്ഷ്യം സാക്ഷാത്ക രിക്കാന്‍ വേണ്ടി പ്രയത്നിച്ചിട്ടില്ലെങ്കില്‍ അവരുടെ ജീവിതം നഷ്ടപ്പെടുമെന്നും മനസ്സിലാക്കാനും അവര്‍ ആലോചിച്ച് പാഠമുള്‍ക്കൊള്ളുന്നതിന് വേണ്ടിയും കേട്ടവര്‍ കേട്ടവര്‍ മറ്റുള്ളവരിലേക്ക് എത്തിച്ചുകൊടുക്കുന്നതിന് വേണ്ടിയുമാണ് അല്ലാഹു ഇത്തരം ഉപമക ള്‍ ഗ്രന്ഥത്തില്‍ വരച്ചുകാണിച്ചിട്ടുള്ളത്.

50: 9-11 ല്‍, ആകാശത്തുനിന്ന് നാം അനുഗ്രഹീതമായ വെള്ളം ഇറക്കുകയും അതു കൊണ്ട് നാം തോട്ടങ്ങളും ഉമിയോടുകൂടിയ ധാന്യങ്ങളടങ്ങിയ വയലുകളും ഉറുഞ്ചിലുകളായി തിങ്ങിനില്‍ക്കുന്ന കുലകളോടുകൂടിയ ഈത്തപ്പനകളും മുളപ്പിക്കുന്നു-നമ്മുടെ അടിമകള്‍ക്കുള്ള ഭക്ഷണ വിഭവങ്ങളായിക്കൊണ്ട.് അങ്ങനെ നിര്‍ജ്ജീവമായ നാടിനെ നാം ആ വെള്ളംകൊണ്ട് ജീവിപ്പിക്കുകയായി-അപ്രകാരമാണ് നിങ്ങളും പുറപ്പെടുവിക്കപ്പെടുക എന്നും; 22: 5 ല്‍ മനുഷ്യരെ വിളിച്ച്: ഓ മനുഷ്യരേ, നിങ്ങള്‍ പുനര്‍ജീവിതത്തില്‍ സംശയമുള്ളവരാണെങ്കില്‍, നിശ്ചയം നാം നിങ്ങളെ മണ്ണില്‍ നിന്നാണ് സൃഷ്ടിച്ചിട്ടുള്ളത്, പിന്നെ ആണിന്‍റെയും പെണ്ണിന്‍റെയും ബീജത്തില്‍ നിന്ന്, പിന്നെ രക്തപിണ്ഡത്തില്‍ നിന്ന്, പിന്നെ രൂപപ്പെട്ടതും രൂപപ്പെടാത്തതുമായ മാംസപിണ്ഡത്തില്‍ നിന്ന്, നിങ്ങള്‍ ആരാണെന്ന് നിങ്ങള്‍ക്ക് നാം വ്യക്തമാക്കിത്തരികയാണ്, നാം ഉദ്ദേശിച്ചവരെ ഗര്‍ഭപാത്രങ്ങളില്‍ നിര്‍ണയിച്ച അവധിവരെ സുരക്ഷിതമായി വെക്കുകയും പിന്നെ ശിശുവായി പുറത്തുകൊണ്ടുവരികയും ചെയ്യുന്നു, ക്രമേണ നിങ്ങള്‍ പ്രായപൂര്‍ത്തിയായി ശക്തിപ്രാ പിക്കുന്നു, നിങ്ങളില്‍ ചിലരെ അതിനുമുമ്പായി തിരിച്ചുവിളിക്കുന്നു, മറ്റുചിലരെ എല്ലാം അറിഞ്ഞതിനുശേഷം ഒന്നും അറിയാത്ത അവസ്ഥ പ്രാപിക്കത്തക്കവിധം പടുവാര്‍ദ്ധ ക്യത്തിലേക്ക് തള്ളിവിടുന്നു, ഭൂമിയെ വരണ്ടതായി നിനക്ക് കാണാം, അപ്പോള്‍ അതിലേ ക്ക് നാം വെള്ളം ഇറക്കിയാല്‍ അത് സ്ഫുടിക്കുകയും തുടിക്കുകയും ഭംഗിയുള്ള ചെടികളെയെല്ലാം ഇണകളായി മുളപ്പിക്കുകയുമായി എന്നും പറഞ്ഞിട്ടുണ്ട്. 41: 39 ല്‍, അവന്‍റെ ദൃഷ്ടാന്തങ്ങളില്‍ പെട്ടതാണ് ഭൂമിയെ നീ വിണ്ടുകീറിയതായി കാണുന്നത്, അപ്പോള്‍ നാം അതില്‍ വെള്ളം ഇറക്കിയാല്‍ അത് സ്ഫുടിക്കുകയും തുടിക്കുകയുമായി, നിശ്ചയം ആരാണോ ആ ഭൂമിയെ ജീവിപ്പിച്ചത്, അവന്‍ മരിച്ചവരെ ജീവിപ്പിക്കുകതന്നെ ചെയ്യും, നി ശ്ചയം അവന്‍ എല്ലാ ഓരോ കാര്യത്തിന്‍റെ മേലിലും കഴിവുള്ള സര്‍വ്വശക്തന്‍ തന്നെയാണ് എന്നും; 30: 19 ല്‍, ജീവനില്ലാത്തവയില്‍ നിന്ന് ജീവനുള്ളവയെയും ജീവനുള്ളവയില്‍ നിന്ന് ജീവനില്ലാത്തവയെയും പുറപ്പെടുവിക്കുന്നതും ഭൂമിയെ അതിന്‍റെ മരണശേഷം ജീ വിപ്പിക്കുന്നതും അവന്‍ തന്നെയാണ്, അപ്രകാരം നിങ്ങളും പുറപ്പെടുവിപ്പിക്കപ്പെടുന്നതാണ് എന്നും പറഞ്ഞിട്ടുണ്ട്.

11: 67-68 ല്‍, ദൃഷ്ടാന്തമായി നല്‍കപ്പെട്ട അല്ലാഹുവിന്‍റെ ഒട്ടകത്തെ സമൂദ് സമുദാ യം ധാര്‍ഷ്ട്യപൂര്‍വ്വം അറുത്തപ്പോള്‍ അക്രമികളായ അവരെ ഒരു ഘോരഗര്‍ജ്ജനം പിടികൂടി, അങ്ങനെ ഒരു ജനത അവിടെ താമസിച്ചിരുന്നിട്ടേയില്ല എന്നവണ്ണം അവര്‍ അവരു ടെ വീടുകളില്‍ ചേതനയറ്റ് വീണു എന്നുപറഞ്ഞിട്ടുണ്ട്. 11: 94-95 ല്‍, ശുഐബ് നബിയെ തള്ളിപ്പറഞ്ഞ ജനതയും അത്തരം ഘോരഗര്‍ജ്ജനത്താല്‍ അങ്ങനെ ഒരു ജനത അവി ടെ ഉണ്ടായിരുന്നില്ല എന്ന വിധത്തില്‍ നശിപ്പിക്കപ്പെട്ടു എന്ന് പറഞ്ഞിട്ടുണ്ട്. 3: 7-10 ല്‍ വിവരിച്ച നരകത്തിന്‍റെ വിറകുകളായ ഫുജ്ജാറുകള്‍ മാത്രമാണ് ഇത്തരം സൂക്തങ്ങളെ ല്ലാം വായിക്കുന്നത്. എന്നാല്‍ എല്ലാഓരോ കാര്യവും വിശദീകരിച്ചിട്ടുള്ളതും പ്രപഞ്ചനാഥനില്‍ നിന്നുള്ള അജയ്യഗ്രന്ഥവും നാഥന്‍ തന്നെ സൂക്ഷിപ്പ് ഏറ്റെടുത്തതും വ്യക്തവും സ്പഷ്ടവുമായ വായനയുമായ അദ്ദിക്ര്‍ കേള്‍ക്കാന്‍ തയ്യാറാകാത്ത ബധിരരായ ഫാജിറു കളെയും അദ്ദിക്റിനെക്കുറിച്ച് ലോകരോട് പറയാന്‍ തയ്യാറാകാത്ത ഊമരായ അവരുടെ നേതാക്കളെയും സ്രഷ്ടാവിന്‍റെ 1000 സമുദായങ്ങളില്‍ പെട്ട ജീവികളില്‍ വെച്ച് ഏറ്റവും തിന്മയേറിയവര്‍ എന്നാണ് 8: 22 ല്‍ ത്രികാലജ്ഞാനിയായ നാഥന്‍ വിശേഷിപ്പിച്ചിട്ടുള്ള ത്. ചിന്താശക്തി ഉപയോഗപ്പെടുത്താത്ത അവരെ മനുഷ്യരായിപ്പോലും നാഥന്‍ പരിഗ ണിച്ചിട്ടില്ല. 2: 266; 13: 17-18; 30: 48-50 വിശദീകരണം നോക്കുക.